СИЙСКОЕ ЕВАНГЕЛИЕ

ПОХВАЛА ВЕЛИКОМУ КНЯЗЮ ИВАНУ ДАНИЛОВИЧУ КАЛИТЕ

В лето 600-е 800-е 47-е (1340 г.) инидикта 12 миротворенаго и солнечьного круга в 4-е лето висикостное, жтдовь сего ирук в 1-е лето, епакта 18 лето, в 5-и каланд месяца марта, жидовьскы нисана, написано бысть си еуангелие в граде Москове на Двину к святеи Богородици повелениемь рабомь Божиимь Ананиею черньцемь.
О семь 6о князи великомь Иване пророк Езекии глаголеть: «В последнее время в апустевшии земли на запад въстанеть цесарь правду любя и суд не по мбзде судяи ни в поношение поганым странам. При семь будет тишина велья в Рускои земли и въсияеть в дни его правда», яко же и бысть при его царстве.
Хвалить Римьская земля Петра и Павла, Асия Иоанна Богословица, Индийская — Фому, Ерапроль — Филиппа, Руская земле — первозванаго апостола Андрея, Гречьская земля — цезаря Костянтина.
Сему благородному князю великому Ивану створшему дела подобна в Рускои земли правоверному цесарю Костянтину. О семь 6о песнословыць глаголеть: «Постави, Господи, законодавца над ними, да разумеють языци, яко человеци суть». То же рек: «Боже, суд цесареви дай же правду сынови цесареву».
Сии бо князь великой Иоанн имевшее правыи суд паче меры. Поминая божественае писания, исправльния святых и преподобных отец, по правиломь монокануньным ревнуя правоверному цесарю Устияну. В то бо время благочестию велию воссиявши, многим святым церквам съзидаемым, учьнию божественных словес от уст его яко источнику велию текущю, напаяющи благочестивых святитель сердца и христолюбивых в его державе людии.
Безбожным ересам иреставившим при его державе, многим книгам написанным его повелениемь, ревнуя правоверному цесарю гречьскому Мануилу. Любяи святительскыи сан, постничьское житье любя и удержае правоверную святую веру. Сирым в бедах помощник, вдовици от насилник изимая яко от уст львов.
Всей Рускои земли поминая велигласно державу его царства. Сии бо велики раб Божий Анания чернць, поминая его святительскыи сан, горя духовною мыслию к Богови, хотяи видети вышнии Ерусалим, поминая душею первых правоверных цесари, всех святых и молитвою — прародитель своих.
А писали многогрешнии дьяци Мелантии да Прокоша. Благословите их, а не клените.

Молитва-похвала великому князю московскому Ивану Даниловичу Калите, по мнению исследователей, датируется примерно 1339—1340 годами. То есть она была написана еще при его жизни.
Текст печатается по: Мещерский Н.А. К изучению ранней московской письменности // Изучение русского языка и источниковедение. М., 1969.