“...Явить миру Сийское сокровище”:
Антониев-Сийский монастырь: из прошлого - в будущее”
 
Свято-Троицкий Антониев-Сийский монастырь
 
30.04.2017 О проекте  Антониев-Сийский монастырь  Библиотека  Фотогалерея   контакты  Гостевая   
Антониев-Сийский монастырь


Поиск по сайту:


Рейтинг АОНБ@Mail.ru
Участник Третьего Всероссийского конкурса сайтов публичных библиотек
<--


 

«Чудотворный образ Богоматери Смоленской. Сей образ при сгорении в церкви иконостаса, Царских врат, и в олтаре Святого Престола, бвы между Царских врат, остался от огня и с пеленою ни мало невредим, как явствует из надписи под сей иконой, находящейся и доныне, в коей  написано так: "Сказание о иконе Пречистыя Богородицы честнаго и славнаго ея Одигитрия, како Божиею благодатию сохранися от великаго пожара, в приделе  теплыя церкви в Сийском монастыре. Лета 7166 (1658) мая во 2 день недельный, брату некоему, якоже обычай, изволися покадити святые иконы в келии и в жилище своем идеже живяще и внезапу испаде угль горящ, оному же сего неведущу, и тако изыде. Во время же божественныя литургии, егда чтому святому Евангелию, из кельи же оныя дым изыде и абие огнь показася: братиям же и всем сущим тогда немогущим погасити, напрасно бо пламень объять (ея) и нещадно поядаше всеядный огнь всякое здание,  и церковныя вещи, келия же та б на лето первая. И оттоле обыде огнь всякое место. В церкви же сгорел левой крылос, и от того местные иконы и деисусь и праздники испортились. В приделе же преподобнаго отца  нашего Сергия Чудотворца сгорели две местныя иконы, и Царские двери и сень и в олтаре Престол, и иныя двери большаго олтаря  створные в четырех досках и забрала иныя многия вещи, иже пламень возжигати могущия. Возле Царския же двери бе икона Пречистыя Владычицы нашея Богородицы и Приснодевы Марии, иже на руку своею имеющи воображена Превечнаго младенца Господа нашего Иисуса Христа, и от того великаго ту сущаго огня, та божественная икона сохранена бысть изволением того Всесильнаго в Троице Приснославимыя Бога молением тоя пренепорочныя Владычицы нашея Богородицы и приснодевы Марии, показающи присвоение приснаго своего угодника преподобнаго отца нашего Антония Чудотворца и богоприятных  его молитв,  неоскудное дерзновение к Всесильному Богу и к ней Богоматери.  О преславное чудо братие! яко молением тоя пренепорочныя Владычицы нашея Богородицы и приснодевы Марии, ни воня дымная прикоснуся тоя иконы Богоматере, но и пелена пребысть невредима. Все бо сие бысть Всесильнаго Бога промыслом во благую надежду и во известное упование сущим тогда братиям, яко не оставляет Живоначальная Троица дому своего Угодника такожде и пречистая Богородица не отступно пребывает от святаго места сего, яко да незабвенны будут многолетные труды Преподобнаго Отца, и безчисленные поты, и болезненное терпение, и глубокое смирение и протяженное воздержание. Слезы бо блаженнаго яко капли крове каплющия на землю, и во мнозе сокрушения сердца, о святем месте сем, яко жертву непорочнк приношаше Богу. Но и ныне молится безпрестани о святем месте сем и сущих в нем, и всех работающих и плодоносящих и благодеющих во святую обитель сию, якоже егда  блаженный Антоний многотрудное провождаше житие во плотию, преславно бо тогда чудодействова Живоначальная Троица образом своим прославляющи Угодника своего, Божественным мановением носима изъиде из пламене и ста на воздусе на монастыре пред Преподобным. Церкви бо от основания возгоревшейся и ничто же вынести возмогающи, токмо сия чудотворная икона самошественно изыде из пламене. Божественный же радости неизреченныя исполнися, благодарение велие воздавше и молитвы своя Богови возношаше о величии Божии, якоже бо тогда, тако и ныне во известное бысть упование, сущим в обители присещение Богоматере, вскоре бо от Самодержавнаго Государя Царя и Его благоверныя Царицы велию милость получиша, от боляр и от христолюбцев многих подаянием на строению монастырю, и на украшение церкви и на сожитие пребывающих в нем".

 

Макарий, епископ. Исторические сведения об Антониевом Сийском монастыре
// Чтения в Обществе истории и древностей Российских. - 1878. - Кн.3. - С.21-22.